Slimfit
  1. ELM

Tarix İnstitutunun ilk Elektron Oxu Zalının açılışı olub

Tarix İnstitutunun ilk Elektron Oxu Zalının açılışı olub
Sakura

Tarix İnstitutunun ilk Elektron Oxu Zalının açılışı olub

Azərbaycan Milli Elmlər Akademiyasının (AMEA) Tarix İnstitutunun Elmi Arxivi və Kitabxanasının ilk Elektron Oxu Zalının açılışı olub.

Report” xəbər verir ki, AMEA-nın prezidenti, akademik Akif Əlizadəyə, Tarix İnstitutunun direktoru, akademik Yaqub Mahmudov, akademiyanın alimləri, əməkdaşları iştirak edib.

Akif Əlizadə kitabxanaların elektronlaşmasının bu gün və gələcək üçün əhəmiyyətindən danışıb, bu işin davam etdirilməsinin vacibliyini vurğulayıb.

Yaqub Mahmudov bildirib ki, Elektron Oxu Zalı AMEA-da gedən islahatlar çərçivəsində yaradılıb: “Tarix İnstitutunun arxivi Azərbaycanın ən zəngin fondlarından biridir. Son illərdə institutda arxiv sənədləri və kitabların elektron katoloqu hazırlanıb. İnstituta Paris, London, Berlin, Dehli, Moskva, Sankt-Peterburq, İstanbul, Ankara və digər yerlərdən 100 mindən çox arxiv sənədi gətirilib. İnstitutun Elmi Arxivi və Kitabxanasında 170 min arxiv sənədi, 17 min kitab, “Azərbaycan” qəzetinin elektron və çap variantı (1993-2017), elmi jurnallar, dissertasiya işləri, avtoreferatlar, xəritələr var”.

Tarix İnstitutunun elmi katibi İradə Əliyevanın sözlərinə görə, kitabxanadakı 17 min kitabdan 10 mini ərəb dilində olan elektron kitablardır: “Bu elektron kitablar arasında müasir ərəb və Misir tarixçilərinin kitabları, “Müasir islam tarixində Osmanlı dövləti”, “Osmanlı dövləti necə süqut etdi”, “Təbəri tarixindən seçmələr”, “İraq mədəniyyəti”, “Ərəb ədəbiyyatı tarixi” və digər kitablar mövcuddur. İnstitutun arxivində Azərbaycanın görkəmli tarixçilərinin fondları var. Tarix İnstitutunda “Azərbaycan tarixi ilk mənbələrdə” layihəsi çərçivəsində arxiv sənədləri çoxcildli toplular şəklində hazırlanaraq tədqiqatçılara və geniş oxucu kütləsinə təqdim edilir”.

Tədbir iştirakçıları Elmi Arxiv və Kitabxanada yaradılan şəraitlə tanış olublar.

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Sakura

Ən çox baxılanlar

Dünyada ən sürətli təkər üzərində ev öz rekordunu yenilədi. Keçən il onun sürəti 128km/s idi, may ayında bu sürəti 162,61 km/s-a qədər artırdı, indi isə yarım km artırdı.

Redaktor seçimi

SON XƏBƏRLƏR