Slimfit
  1. TEXNOLOGİYA

Tarixdə ilk “5G” zəngi edildi

Tarixdə ilk “5G” zəngi edildi
Sakura

Tarixdə ilk “5G” zəngi edildi

Çinin “Huawei” telekommunikasiya avadanlığı istehsalçısı və “Vodafone” mobil operatoru avtonom olmayan “Non Stand-Alone [NSA] 3GPP 5G NR” (“yeni radio”) arxitekturası standartı əsasında beşinci nəsil mobil rabitə şəbəkələrində (5G) tarixdə ilk zəngi həyata keçiriblər. 

Teleqraf.com “ICTnyus”-a istinadən xəbər verir ki, şirkət nümayəndələrinin sözlərinə görə, “5G NR” sınaq şəbəkəsi 3,7 QHs spektrindən istifadə etməklə testlərin keçirilməsi üçün qurulub, sınaqlarda isə “5G” eksperimental qurğusu tətbiq edilib.

Məlumata görə, qoşulma “4G” şəbəkəsindən istifadə olunmaqla quraşdırılan “VOIP” protokol tipi üzrə baş tutub, məlumatların ötürülməsi isə sonradan “5G” texnologiyası ilə həyata keçirilib. Mühəndislər, həmçinin yüksək dəqiqlikli (HD) videozəngin uğurlu sınaqlarını keçiriblər. 

“İlk “5G” zəngi avtonom olmayan “NR” arxitekturası standartı dərc edildikdən iki ay sonra həyata keçirilib və bu, nəzərdə tutulandan daha tezdir. Nəticələr bütün dünyaya sahənin “5G” servislərinin kommersiya istifadəsinə hazır olmasını nümayiş etdirir”, - “Huawei” və “Vodafone” şirkətlərinin birgə bəyanatında deyilir.

Bundan başqa, şirkətlər tərəfindən ənənəvi mikrodalğalı IP rabitə xətlərinin “5G” nəqliyyat şəbəkələri üçün həyat qabiliyyəti olan texnologiyalar kimi qalmasını təsdiq edən sınaqlar aparılıb.

Qeyd edək ki, “5G” mövcud “4G” şəbəkəsini əvəz edəcək yeni nəsil rabitə şəbəkəsidir. Proqnozlara görə, şəbəkədən 2020-ci ildən etibarən bütün dünyada istifadə mümkün olacaq. Bundan sonra yalnız smartfonlar üçün optimallaşdırılan “4G” şəbəkəsindən fərqli olaraq milyardlarla qurğunun qoşulacağı “5G” şəbəkəsi məlumatların yüksək sürətlə ötürülməsini, zəif yubanma dərəcəsini, eləcə də enerjidən az istifadəni təmin edəcək.

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Sakura

Ən çox baxılanlar

Bir şəklin tarixçəsi - Heydər Əliyev: “Mən o kişinin işinə qarışa bilmərəm” – Şuşa, 29 iyul, 1982-ci il

Redaktor seçimi

SON XƏBƏRLƏR