31 may 2020, bazar
.
.
chevron_left chevron_right
TƏHSİL

“Təhsil avtobusu”nun ilk ünvanı Qubadır

“Təhsil avtobusu”nun ilk ünvanı Qubadır

“Təhsil avtobusu”nun ilk ünvanı Qubadır

"Azərbaycan üçün öyrət" təhsil proqramı çərçivəsində təşkil olunan “Təhsil avtobusu–2018” yay məktəbinə iyulun 17-də Qubada start verilib.

AZƏRTAC-ın bölgə müxbiri xəbər verir ki, təhsil nümayəndələrinin iştirakı ilə keçirilən açılış mərasimində yay məktəbinin iyulun 17-dən 23-dək davam edəcəyi bildirilib. “Təhsil avtobusu” Bakı-Quba-Masallı-Şəmkir-Şəki-Qəbələ-Bakı marşrutu üzrə səyahət edəcək.

Layihənin meneceri Ülviyyə Axundova çıxışı zamanı bildirib ki, "Təhsil avtobusu-2018" yay məktəbinin məqsədi bölgələrdəki modul tipli və orta məktəblərinin şagirdlərinin şəxsi inkişafına stimul vermək, həyata fərqli baxış və dünyagörüşlərinin formalaşmasına təsir etmək, onların dərsə maraqlarının artırılmasına şərait yaratmaqdır.

Yay məktəbinə ölkəmizin 5 bölgəsindəki məktəblərin akademik göstəriciləri zəif və orta olan VII-IX sinif şagirdləri cəlb olunacaq. Məktəblilərin hər biri 1 gün olmaqla təlimçi və ekspertlər tərəfindən keçiriləcək fərdi inkişaf təlimləri və intellektual yarışlarda iştirak edəcək.

Açılış mərasimindən sonra layihənin icrasına start verilib.

Yay məktəbində "Mənim uğurlu karyeram", “Kommunikasiya”, “Robotlarla iş", "Sığorta” və "Nə? Harada? Nə zaman?" intellektual oyunu keçirilib. Təlimlər və oyunlarda fəal iştirak edən şagirdlər sertifikatla təltif olunublar.

“Təhsil avtobusu–2018” yay məktəbi layihəsi Təhsil Nazirliyinin təşkilatçılığı, “Engin” LTD MMC, “Kapital Bank”, “Ekspo 2025 Bakı”, “Bakcell”, “GoldenPay”, “Microsoft Azərbaycan” və “PAŞA Sığorta” şirkətlərinin dəstəyi, “1News.az”, “Azərbaycan İntellektual Klublar Assosiasiyası”, “ARB TV”, “ASAN xidmət”, “Bir” Tələbə-Könüllü proqramı, “Code Tusi”, “Edumap” təhsil portalı, “Edutainment.az”, “Engineering For Kids”, “SABAH” qrupları, “Şərq-Qərb” ASC, “Təhsil TV və “Youth Inc.” Sahibkarlıq Proqramının tərəfdaşlığı ilə həyata keçirilir.

Yay məktəbinin növbəti ünvanı Masallı şəhəri olacaq.

Mənbə: Azərtac.az





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Görkəmli şairlərimiz Mola Pənah Vaqif və Molla Vəli Vidadi quda olmuşlar. Belə ki, Vidadinin iki oğlu Vaqifin iki qızı ilə ailə qurub.
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ
Oxşar xəbərlər

X