Teleportasiya və holoqramlar: Feysbuk dünyanı dəyişməyə hazırlaşır

Texnologiya nəhəngi elə bir virtual reallıq proqramını hazırladı ki, onun köməyi ilə istifadəçi dünyanın istənilən nöqtəsində teleportasiya edə biləcək.

Dünya artıq əvvəlki kimi olmayacaq. Bizə əlçatmaz və fantastik görünən şeylər tezliklə adi bir şeyə çevrilə bilər. Sentyabrın sonlarında Feysbuk virtual reallıq üzərində işləyən yeni Reality Labs (RFL) şöbəsini təqdim etdi.

Texnologiya nəhəngi real dünyanın virtual xəritəsini - 3D “LiveMaps” yaradır. Artıq xüsusi eynəklərin köməyi ilə dünyanın hər yerinə teleportasiya edə bilərsiniz. Adi “fiziki” və “real” səyahətin əvəzinə siz hiperrealistik avatar - adi şəkil deyil, dəqiqliyi ilə fərqlənən holoqram əldə edəcəksiniz.

Ens.az xəbər verir ki, hələlik bu texnologiya hazırlanma mərhələsindədir. Şirkətin planında daha bir qorxunc yenilik var - xüsusi Oculus eynəklərinin köməyi ilə istifadəçilər lazımi yerə gedərək bir-birini “əvəz edə biləcəklər”.

Bütün bunlar həm istifadəçi, həm də bizi əhatə edən dünya haqqında inanılmaz ölçüdə məlumatların toplanmasını tələb edir. Şirkətlə bağlı baş verən qalmaqalları nəzərə alaraq, Feysbuk məxfi məlumatların qorunması ilə məşğul olan dünya miqyaslı aparıcı ekspertlərin iştirakı ilə işləyəcəklərini bildirib.