28 may 2020, cümə axşamı
.
.
chevron_left chevron_right
AZƏRBAYCAN

Tərtər rayonunun 4 kəndində yeni içməli su təchizatı infrastrukturu yaradılır

Tərtər rayonunun 4 kəndində yeni içməli su təchizatı infrastrukturu yaradılır.

390 Baxış
Tərtər rayonunun 4 kəndində yeni içməli su təchizatı infrastrukturu yaradılır

ərtər rayonunun 4 kəndində yeni içməli su təchizatı infrastrukturu yaradılır.

Bu barədə "Report"a  "Azərsu" ASC-dən məlumat verilib.

Belə ki, Tərtərdə icra olunan layihə 5 minədək sakinin yaşadığı Mamırlı, Poladlı, Təzəkənd və Evoğlu kəndlərini əhatə edir. Cəbhə bölgəsinə yaxın ərazidə yerləşən bu kəndlərin sakinləri uzun illər içməli su qıtlığından əziyyət çəkib. Sakinlər içməli suya olan tələbatlarını, əsasən, daşıma yolu ilə, eləcə də quyu sularından istifadə etməklə ödəyirdilər. Bütün bunlar nəzərə alınaraq “Azərsu” ASC tərəfindən bu kəndlərin içməli su təchizatının yaxşılaşdırılması məqsədilə layihə hazırlanıb və cari ilin iyun ayından tikinti-quraşdırma işlərinə başlanılıb.

Layihəyə əsasən, sakinləri içməli su ilə təmin etmək üçün hər kənddə 1 subartezian quyusu olmaqla 4 quyunun qazılması nəzərdə tutulub. Eyni zamanda kəndlərdə 22 km uzunluğunda magistral su xətlərinin, əhalinin ümumi istifadəsi üçün 106 ədəd su bulağının tikintisi nəzərdə tutulub. Qısa müddət ərzində bu kəndlərdə 2 subartezian quyusu qazılıb, 18 km su xətti çəkilib, 90 ədəd bulaq quraşdırılıb. Artıq Mamırlı və Poladlı kəndlərində layihənin icrası yekunlaşıb, digər kəndlərdə yeni infrastrukturun yaradılması işləri cari ilin sentyabr ayının sonunda tam başa çatdırılacaq.

Qeyd edək ki, respublikanın 13 rayonunun 30 yaşayış məntəqəsində içməli su layihələrinin icrası nəzərdə tutulur. Eyni zamanda dövlət investisiya layihələri çərçivəsində 8 rayonunun 16 yaşayış məntəqəsində su layihələri icra edilir.

Ümumilikdə, 2018-ci ildə 21 rayonun 46 yaşayış məntəqəsində 65 minədək sakinin içməli su təchizatı yaxşılaşdırılacaqdır. Artıq 10-a yaxın kənddə layihələrin icrası başa çatıb və 15 minədək kənd sakininin içməli su problemi həllini tapıb. 





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Azərbaycanın Milli Qəhrəmanı adına layiq görülmüş ilk 11 nəfərdən biri rus əsilli Yuri Petroviç Kovalyovdur.
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ
Oxşar xəbərlər

X