“Tesla” istehsalı ağıllı telefonun fotoşəkilləri mətbuatda yayıldı

Elon Maskın əl atmadığı sahələr gedərək azalır. Onun hətta şapka, şərab kimi məhsullar istehsal etməyə başladığını bilirik.

Bir müddət idi ki, Elon Maskın firması “Tesla” – nın telefon istehsalına başladığına dair iddialar yayılmışdı. Bu iddiaları gücləndirəcək və “Tesla Quadra”-ya aid olduğu deyilən bəzi fotoşəkillər mətbuatda yayıldı.

ABŞ mətbuatının şirkətə yaxın olan mənbələrə istinadən verdiyi məlumata görə, “Tesla” hazırda istehsal edəcəyi ilk ağıllı telefon üzərində işləyir.

Yayılan şəkillərdə “Tesla Quadra” adlı bu modelin incə korpusu, yan və alt tərəflərində çox incə çərçivələrin olduğu görülür.

Modelin arxa hissəsində isə çox böyük bir “Tesla” loqosu əks olunub. Bu telefonların iki kameralı olması ilə yanaşı, olduqca güclü səs ucaldanlara malik olacağı güman edilir.

Yeni telefon modelinə aid fotoşəkillərlə bağlı isə “Tesla” şirkəti heç bir rəsmi açıqlama etməyib.

Tamara Mustafayeva

Mənbə: Banco.az