Teslanın anasına yazdığı son məktub

Hər səhər yeməyindən öncə yeni bir ixtira edəcəyinə inanan Teslanın təxminən 300 icadının olduğu bilinir. Bu icadlardan biri olan alternativ cərəyanla bağlı Tomas Edison ilə danışmağa getdiyində Edisonun cavabı belə olmuşdu: “Vaxtını hədər etmisən, alternativ cərəyanın gələcəyi yoxdur”. Gözlədiyini əldə edə bilməyən Teslanın həyatı çətinliklər içində keçmiş və yaşamaq üçün gündəlik işlərdə işləmək məcburiyyətində qalmışdır.

Əfsanəvi elm adamı anası Duka Teslaya bir çox məktub yazmışdır və son məktublarında ABŞ-dakı kədərini, peşmanlığını və məyusluğunu ifadə etmişdir. 

Hiss etdiyim tək şey alçaldılma duyğusudur.

"İnsanlığa xidmət etdiyim bu illər mənə ancaq alçaldılma duyğusu və təhqir gətirdi. Son günlər gecə vaxtı çöldən gələn dua səsləri eşidirəm, ancaq qapını açan zaman heç kimi görə bilmirəm. Sənin necə olduğunu belə bilmirəm, amma yaxşı olmadığını bilirəm. Kaş ki, yanımda ola bilsəydin..."

Tək insan dünyanı dəyişdirmir

"Ağlıma yenə sən gəlirsən ana, mütəmadi olaraq eyni hüzün və kədər içindəyəm. Artıq yaxşı olmadığından əminəm. çünki yenə eyni eyni kədər səslərini eşidirəm, oyaq ikən belə eşidirəm".

"Elm dünyası üçün bir çox araşdırmalar etdim və layiq olduğum dəyəri əldə etmək üçün Avropaya qayıtmaq qərarına gəlmişəm. Buradakı dövlət bizim dövlətlə eynidir. Anladım ki, insanlıq sadəcə hökumətlərin əlindədir və tək insan dünyanı öz başına çox təəssüf ki, dəyişdirə bilmir".

Kimlərsə hər şeyi yoxlayır.

"Bu məktubun sənə əsla çatmayacağını bilirəm, amma niyə yazdığımı belə bilmirəm. Səndən uzağa gedən yolları seçdiyim üçün məni bağışla. Öldüyünlə bağlı xəbər verdilər, amma yasına belə gələ bilməyəcəm. Artıq, özümü belə tanıya bilmirəm. Kimlərinsə "mənim" kəşflərimi nəzarət altında saxladığından əminəm, kəşflərim "mənə" aid deyil kimidir. Kimlərsə hər şeyi yoxlayır və özünə aid bir planı var".

"Elmdə o qədər ilimi hədər keçirtmişəm. Bacarsan, orada mənim itmiş ruhum üçün dua et ana..."

Mənbə: Moneta.az