1. İQTİSADİYYAT

Texasda neft hasilatı bərpa olunur

Texasda neft hasilatı bərpa olunur

Texasda neft hasilatı bərpa olunur

ABŞ-da kəskin soyuq hava fonunda dayandırılmış neft hasilatı tədricən bərpa olunmağa başlayıb.

Ens.az Report.az-a istinadən xəbər verir ki, bu barədə “Bloomberg” agentliyi mənbələrinə istinadən məlumat yayıb.

Agentlik yazır ki, “Marathon Oil”, “Devon Energy” və “Verdun Oil” şirkətləri “Eagle Ford” yatağında hasilatı bərpa etmək üçün yerli şəbəkələrdən və ya istehsalat şirkətlərin güclərindən istifadə etməyə başlayıblar.

Mənbələr şirkətlərin hasilatı çərşənbə günü gecə saatlarında yenidən başlatdığını da əlavə edib. Agentlik həmçinin xəbər verir ki, tam hasilatın nə vaxt bərpa olunacağını söyləmək çətin olsa da, bəzi treyderlər regionda temperatur artdıqca və enerji təminatı bərpa olunduqca hasilatın böyük hissəsinin də bərpa olunacağına ümid edirlər.

Qeyd edək ki, anomal soyuq hava səbəbindən ABŞ-da neft hasilatı rekord dərəcədə - üçdə bir həcmdə və ya gündəlik təxminən 3,5 milyon barel azalıb. Təkcə ABŞ ən böyük neft yatağı olan Texasın Perm hövzəsində istehsal 65% azalıb. Kəskin soyuq hava ABŞ-da, o cümlədən Texasda bir neçə iri neftayırma zavodunu fəaliyyətini dayandırmağa məcbur edib.

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Ən çox baxılanlar

Jeledən Tetris

Redaktor seçimi

SON XƏBƏRLƏR