“Toyota” maska istehsalına başlayacaq

“Toyota” maska istehsalına başlayacaq

Yaponiyanın “Toyota Motor” avtomobil şirkəti koronavirus epidemiyası ilə əlaqədar qoruyucu maska istehsalına başlayacaq.

Trend-in məlumatına görə, şirkətin istehsalı olan maskalar şəffaf plastik örtüklə təmin olunacaq ki, bu da təkcə şəxsin ağız boşluğunu deyil, bütün üzünü qoruyacaq.

Şirkət bəzi maska partiyalarını qıtlıqla üzləşən tibb müəssisələrinə də yollayacaq.

Qeyd edək ki, bu günədək Yaponiyada 3 906 nəfər koronavirusa yoluxub, 92 nəfər həyatını itirib.

Bütün dünyada ölənlərin sayı isə 75 min nəfərə yaxındır.