Tramp: “Çinlə ticarət danışıqlarını ləğv etdim”

ABŞ prezidenti Donald Tramp getdikcə gərginləşən münasibətlərdə ən sabit nöqtə olan ticarət sazişinin gələcəyini şübhə altına alan Çin ilə ticarət danışıqlarını ləğv etdiyini söyləyib.

Ens.az KONKRET.az-a istinadən xəbər verir ki, bu haqda məlumatı Bloomberg agentliyi yayıb.

“Çinlə danışıqları ləğv etdim” deyib Trump – “Hazırda Çinlə danışmaq istəmirəm”.

Fevralda qüvvəyə minən ticarət razılaşmasının birinci mərhələsində yazılıb ki, hər altı ayda bir dəfə anlaşmanın icrası üçün danışıqlar aparılmalıdır.

Çin Baş nazirinin müavini Liu He ABŞ Ticarət Nümayəndəsi Robert Lighthizer və Xəzinədarlıq Katibi Stiven Mnuchin ilə video konfrans keçirməli idi, ancaq bu qeyri-müəyyən müddətə təxirə salınıb.

ABŞ-ın razılaşmanın ilk mərhələsini tərk edib-etməyəcəyi barədə soruşduqda Tramp “Görək, nə baş verəcək” deyib.

Razılaşmanın ləğvi üçün yazılı bildiriş tələb olunacaq və hər iki tərəf fərqli bir tarix barədə razılığa gəlmədiyi təqdirdə 60 gün sonra qüvvəyə minəcək.