Tramp İrana nüvə sazişi ilə bağlı yeni təklif edə bilər

Tramp İrana nüvə sazişi ilə bağlı yeni təklif edə bilər

 

Tramp İrana nüvə proqramının nizamlanması ilə bağlı təklif edə bilər və bu, Tehran üçün "son şans" olacaq.

Oxu.Az "The Jerusalem Post"a istinadən xəbər verir ki, bu barədə ABŞ və Avropa rəsmiləri nəşrə bildiriblər.

 

Onların sözlərinə görə, nüvə sazişinin yeni şərtləri əvvəlkilərdən daha yaxşı ola bilər, lakin İran tərəfinin uranı zənginləşdirməkdən imtina etməsi ilə bağlı bənd sazişdə yer alacaq.

Xatırladaq ki, bundan əvvəl Tramp İran və İsrail arasında sülhün bərqərar olması üçün böyük səylər göstərdiyini bildirmişdi.