Tramp: Məhkəmədə rüsumların ləğvi prezidentin səlahiyyətlərini pozmaqla təhdid edərdi

ABŞ Prezidenti Donald Tramp hesab edir ki, onun administrasiyasının məhkəmə yolu ilə tətbiq etdiyi idxal rüsumlarının ləğvi dövlət başçısının səlahiyyətlərinə xələl gətirmək təhlükəsi yaradacaq.

Ens.az Report.az-a istinadən xəbər verir ki, bu barədə Ağ Ev rəhbəri paylaşımı “Truth” sosial şəbəkəsindəki səhifəsində edib.

Tramp daha əvvəl rüsumları bloklayan ABŞ-nin Beynəlxalq Ticarət üzrə Federal Məhkəməsinin hökmünü “səhv və dərin siyasi” adlandıraraq, hakimləri sərt tənqid edib.

"Necə ola bilər ki, onlar ABŞ-yə bu cür ziyan vura bilər?" Ağ Evin sahibi yazıb və əlavə edib ki, onun fikrincə, hakimlər həmişə ölkənin maraqlarından çıxış etməyə borcludurlar.

“Ümid edirəm ki, Ali Məhkəmə ölkəmiz üçün bu dəhşətli, təhdidedici hökmü tez və qətiyyətlə ləğv edəcək”, - Tramp qeyd edib. Onun sözlərinə görə, Beynəlxalq Ticarət üzrə Federal Məhkəmənin israr etdiyi kimi ABŞ Konqresində rüsumlarla bağlı danışıqlar aparmaq məcburiyyətində qalmaq “yüzlərlə siyasətçinin həftələr və hətta aylarla Vaşinqtonda qalacağı” anlamına gələcək. "Əgər qərar qüvvədə olsa, bu, prezidentliyin səlahiyyətlərini sarsıdacaq – prezident vəzifəsi heç vaxt əvvəlki kimi olmayacaq", - Tramp bunun ABŞ tarixində "ən ağır maliyyə qərarı" olacağını qeyd edib.