Tramp: Netanyahu HƏMAS-ın hücumuna hazır deyildi

ABŞ-ın keçmiş prezidenti Donald Tramp İsrailin Baş naziri Benyamin Netanyahunu HƏMAS yaraqlılarının hücumuna hazır olmadığına görə tənqid edib.

Ens.az Yenipress.az-a istinadən xəbər verir ki,  o, bu barədə “Foks Nyus”a müsahibəsində deyib.

Tramp qeyd edib ki, Netanyahu İsrailə edilən hücumdan çox pis zərbə aldı:

“O, hazır deyildi, İsrail də hazır deyildi. Amma Trampın rəhbərliyi altında onlara hazır olmaq lazım deyildi. Kimin ağlına gələrdi ki, onların kəşfiyyatı bunu aşkar edə bilməyəcək? Aksiyada minlərlə insan iştirak edib. Minlərlə insan bunu bilib və məhəl qoymayıb. Bu, nə Netanyahu, nə də başqası üçün yaxşıdır”.

O, həmçinin İsraili iranlı general Qasım Süleymaninin öldürülməsində iştirak etmədiyinə görə tənqid edərək, Təl-Əvivin HƏMAS hücumlarından sonra “işləri düzəltməli” olduğunu vurğulayıb:

“Bibinin (Netanyahunun) bizi məyus etdiyini heç vaxt unutmayacağam. Bu, dəhşətli idi. Buna görə də bəzən kəşfiyyatı görəndə, onlar bunu düzəltməli olurlar, çünki potensial olaraq çox böyük bir qüvvəyə qarşı mübarizə aparırlar. Onlar İranla potensial olaraq müharibə vəziyyətindədirlər. Biz bundan məyus olduq, çox məyus olduq (Süleymaninin öldürülməsinə Netanyahunun reaksiyasına işarə edir - red.). Bibi bundan faydalanmağa çalışırdı” .