Tramp Putinlə Zelenski arasında keçiriləcək görüşdə iştirak edəcək?

ABŞ Prezidenti Donald Tramp Rusiya və Ukrayna prezidentləri Vladimir Putin və Volodimir Zelenski arasında mümkün görüşün ikitərəfli formatda baş tutması üçün iştirak etməyi planlaşdırmır.

Ens.az Oxu.az-a istinadən xəbər verir ki,  bu barədə o, "Fox News" telekanalına müsahibəsində bildirib.

"Xeyr. Mən əvvəlcə onların görüşməsinə icazə verməyi düşündüm", - deyə Tramp vurğulayıb.

O, həmçinin əlavə edib ki, hələlik iki ölkənin liderləri ilə qarşılıqlı münasibətdən məmnundur və onların yaxşı dost olmayacaqlarını başa düşür.

"Mən deməzdim ki, onlar nə vaxt ən yaxşı dost olacaqlar, lakin onlar hər şeyi düzgün edirlər və biz sadəcə izləyəcəyik… Mən Putin və Zelenski ilə bir növ sövdələşmə bağladım və bilirsiniz ki, məhz onlar qərar verməlidirlər. Gəlin, ədalətli danışaq, biz 7 min mil uzaqdayıq. Əvvəlki administrasiyanın dövründə biz 350 milyard dollar xərcləmişik. Avropa da çox xərcləyib, 100 milyard dollar. Amma hər şey əksinə olmalıdır", - deyə Tramp müsahibəsində bildirib.