7 aprel 2020, çərşənbə axşamı
.
.
chevron_left chevron_right
MALİYYƏ VƏ BİZNES

Treyderlər 2020 ilə bağlı əsas təhlükələri göstəriblər

Treyderlər 2020 ilə bağlı əsas təhlükələri göstəriblər

102 Baxış
Treyderlər 2020 ilə bağlı əsas təhlükələri göstəriblər

Ens.az xəbər verir ki, "JPMorgan Chase" ştərəfindən mütəxəssislər arasında aparılan sorğular göstərib ki, 2020-ci ildə likvidlik çatışmazlığı hər gün bu fenomenlə qarşılaşacaq treyderlər üçün əsas problem olacaq. Respondentlər, işlərində süni intellektdən getdikcə daha çox asılı olduqlarını da söyləyiblər

Likvidlik — Biznesdə, iqtisadiyyatda yaxud investisiya proseslərində aktivlərin bazara əhəmiyyətli qiymət fərqi olmadan və dəyər itkisi yaratmadan tez reallaşdırıla (satıla) bilməsi qabiliyyətidir. Aktivlərin pula çevrilmə imkanını əks etdirən iqtisadi termin likvidlik kimi müəyyən olunur.

Ticarətçilərin 2020-ci ildə gündəlik qarşılaşacaqları əsas problem likvidliyin çatışmazlığı olacaq. Bu nəticəyə "JPMorgan Chase" bankı e-Ticarət 2020 Sorğusunun bir hissəsi olaraq 650 peşəkar treyderdən apardığı sorğu əsasında gəlib.

Likvidliyin yetərli olmaması respondentlərin 33% -i tərəfindən 2020-ci ilin əsas problemi kimi müəyyən edilib. Bloomberg-ə açıqlama verən JPMorgan'ın elektron icarət və marketinq meneceri Skot Vaker likvidlik təmin edənlərin sayının azaldığını vurğulayıb.

Rəyi soruşulan digər 19% isə əsas problemin iş proseslərinin səmərəliliyini təmin etmək olduğunu söyləyib. Qiymət şəffaflığı respondentlərin 15% -i tərəfindən müəyyənləşdirilən əsas problem kimi qeyd olunub. Digər 15%, treyder müştəri üçün ən əlverişli şərait yaratmağı məcbur edən yaxşı icra prinsipləri tələblərinin müəyyənləşdirilməsini problem olaraq fərqləndirib. Ticarətçilərin daha 15% -nin ən böyük narahatlığı məlumatların mövcudluğu problemidir. Qalan 3% digər riskləri ifadə edib.

JP Morgan treyderlər arasında bu cür sorğuları dördüncü ildir ki, həyata keçirir. Keçən il də bu sorğuda likvidlik problemi birinci yeri tutmuşdu. Ticarətçilərin təxminən 40% -i o zaman bu barədə danışmışdı. Mütəxəssislərin bu il haqqında danışmağa davam etdiyi digər problemlər, o cümlədən performans tələbləri, proses səmərəliliyi və qiymətlər reytinqin ön sıralarında idi.

Bu il bank tərəfindən ilk dəfə tədqiqata bazarı transformasiya edən texnologiyalar haqqında suallar daxil edilmişdi. Nəticədə, treyderlərin 71% -i süni intellekt və maşın öyrənmələrinin gündəlik işlərində "dərin məlumat təhlili" təmin etdiyini etiraf edib. Onlardan 66% -i bildirib ki, süni intellekt qiymətli kağızların ticarət prosesini optimallaşdırır. Rəyi soruşulanların 58% -i yeni texnologiyaların onlara bazarda qərar vermək qabiliyyətini "bilmək" üçün kömək etdiyini etiraf edib.

"Məlumatların yayılması və müxtəlif rəqəmsal kanallarda topladığımız bilgilərin miqdarını nəzərə alaraq, bu məlumatları süni intellekt vasitələrindən istifadə etməklə səmərəli hala gətirmək mümkün olacaqdır" JPMorgan-ın rəqəmsal bazarları bölməsının rəhbəri Eddi Ven bildirib.


Müəllif: Fəxri Qocayev


Mənbə: www.forbes.ru




Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Bir stolda ən çox yemək növü - Çinin Uxan şəhərində yeni il qeyd edərkən stolda fərqli 8146 yemək
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

FAM Group Media X