24 fevral 2020, bazar ertəsi
.
.
chevron_left chevron_right
DÜNYA

Türkiyə dünyanın ən nüfuzlu strukturundan çıxma təhlükəsi ilə üz-üzə

"Wall Street Journal": "Türkiyənin NATO-dan çıxarılma vaxtı gəlib"

Türkiyə dünyanın ən nüfuzlu strukturundan çıxma təhlükəsi ilə üz-üzə

ABŞ ilə Türkiyə arasında yaşanan sanksiya böhranına dair ABŞ-ın "Wall Street Journal" qəzetində bir məqalə dərc olunub.

Sputnik Azərbaycan xəbər verir ki, məqalənin müəllifi fransalı Bernar-Anri Levidir. Lvy məqaləsində "Türkiyənin NATO-dan çıxarılma vaxtı gəlib" ifadəsini də işlədib.

Məqalədə deyilib ki, ABŞ-Türkiyə münasibətləri hazırda tarixlərinin ən pis böhranını yaşayır. Türkiyə prezidenti Rəcəb Tayyib Ərdoğan Fətullah Gülənin Türkiyəyə təhvil verilməsini tələb edir. ABŞ prezidenti Donald Tramp isə Türkiyədə həbs olunmuş amerikalı rahib Endryu Bransonun azadlığa buraxılmasını istəyir. ABŞ hökuməti iki yüksək vəzifəli Türkiyə rəhbərliyinə qarşı iqtisadi sanksiya tətbiqinə qərar verib. Türkiyə də iki ABŞ hökumət üzvünün bu ölkədə mövcud olmayan varlıqlarını dondurmaqla cavab verib. 

Məqalə müəllifi böhrana görə iki ölkə liderini qınayıb və onları "bir pulun iki üzü" adlandırıb. Məqalədə qısa müddətdə Türkiyənin geri addım atacağı vurğulanıb. Müəllif Ərdoğanın "yeni Osmanlı" iddialarının da bu böhrana səbəb olduğunu bildirib. Məqalənin sonunda isə Levi "bir müddət əvvəl Türkiyənin Avropa Birliyinə qəbul olunması müzakirə olunurdu. İndi Qərbin bir girovu azad etməyi tələb etməsinin yox, Türkiyənin NATO-dan çıxarılmasını tələb etməyin vaxtı gəlib" yazır. 

Sözügedən mətbu orqanı ABŞ rəhbərliyinə yaxınlığı ilə tanınır və ona görə də son fikirlərin havayıdan ortaya atılmadığı aydındır.

Qeyd edək ki, ABŞ prezidenti Donald Tramp 2019-cu maliyyə ili üçün 716 milyard dollar həcmində müdafiə büdcəsi layihəsini imzalayıb. Büdcə layihəsinin içərisində "F-35" beşinci nəsil qırıcı təyyarələrin Türkiyəyə tədarükünə mane olan bir maddə də yer alır. 

 

Sputnik Azərbaycan "Bloomberght"ə istinadla xəbər verir ki, "F-35"-in Türkiyəyə tədarükünün dondurulmasına əsas olaraq rahib Bransonun və bəzi ABŞ vətəndaşlarının Türkiyədə məhbus olması və Rusiyadan S-400 hava müdafiə sisteminin alınması göstərilir.

ABŞ S-400 sisteminin NATO sistemi ilə uyğun olmaması və F-35 layihəsi detallarının Rusiyanın əlinə keçmə ehtimalını əsas göstərir. Hətta NATO nümayəndəsi Tod Volters Rusiya radardan yayınan bu təyyarələrin necə işlədiyini öyrənə bilər demişdi. Türkiyə isə bu iddialara qarşı çıxır, xüsusilə S-400-lərin alınmasının ABŞ və ya NATO maraqlarına zidd olmadığını deyir.





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Səsli xəbərlər
Belçikada göy meşə.
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

FAM Group Media X