Türkiyə yığması FİFA reytinqində öz mövqeyini saxlayıb

Türkiyə yığması FİFA reytinqində öz mövqeyini saxlayıb

Türkiyənin futbol yığması FİFA-nın reytinqində öz mövqeyini saxlayıb.

Bu barədə "Report" "Anadolu" agentliyinə istinadən xəbər verir.

Qeyd edilir ki, federasiyanın dekabrda yenilənmiş reytinqində Türkiyə komandası 1494 bal ilə 29-cu yerdə qərarlaşıb.

Belçika yığması reytinqin lideri olaraq qalır. Siyahıda ikinci yerdə - Fransa, üçüncü yerdə Braziliya yığması qərarlaşıb.

Qətər yığması bir il ərzində reytinqdə 38 pillə - 93-cü yerdən 55-ci yerə yüksəlib. Qeyd edək ki, hesabat dövründə oyun keçirməyən Azərbaycan yığmasının mövqeyi dəyişməyib. Komanda 1177 xalla 114-cü yerdə qalıb.

FİFA-nın növbəti reytinqi gələn il fevralın 20-də açıqlanacaq.