Türkiyədə Azərbaycanla tarixi dostluğa həsr olunan film çəkiləcək

Türkiyədə Qurtuluş Savaşı zamanında baş verən hadisələrin ən önəmli hissələrindən birini əks etdirəcək "Qızıl Qatar" filmi üçün geri sayım başladı.  Bu  film iki qardaş ölkənin tarixi dostluq yolunun mühüm hekayələrindən bəhs edəcək.

Türkiyə və Azərbaycan tarixinə damğa vuran həmrəlik  "Qızıl qatar"la böyük ekrana gətirilir. Filmdə bir əsr bundan qabaq "iki dövlət, bir millət"  - Türkiyə və Azərbaycanın işğalçı qüvvələrə qarşı aparılan böyük mübarizənin nəticəsində ölkə olmaq uğrunda  çiyin-çiyinə dayanmaları təsvir olunur. Tarixi dostluqdan yaranan, özəl və gerçək hekayəni kino sənətinin sehrli gücüylə ekrana gətirəcək bu filmi ərsəyə gətirən Skala Yapım -dır.  Bu yüksək büdcəli istehsalın hazırlıq işlərinə başlayan Skala Yapım, tarixin səhifələrinə işıq salacaq  filmin meydana gəlməsində Azərbaycanfilm ilə əməkdaşlıq edəcək.  

Skala Yapım bu film ilə Türkiyə və Azərbaycan dostluğunu möhkəmləndirmək üçün, real və xüsusi hekayəni ortaya çıxartmağı və milyonlarla insanlara çatdırmağı hədəfləyir. 

Ekranda tarixin tozlu rəflərindən əks olunan xüsusi bir hekayə ...

 "Qızıl qatar" Azadlıq Mübarizəsinin qızışdığı və Türk Ordusunun ehtiyatlarının tükəndiyi bir dövrdə Azərbaycanla əməkdaşlıq və həmrəylik hekayəsini ortaya qoyur.

 Mustafa Kamal Atatürk, Nəriman Nərimanov və Kazım Karabekirin rəhbərliyi ilə qurulan strategiya ilə birlikdə hazırlanan xüsusi bir heyət, Azərbaycanın verdiyi yardımları Ankaraya çatdırmaq üçün təyin edildi.  Bu çətinliyi qəbul edən komanda zamana və düşmənə qarşı böyük mübarizəyə atılır.

 Qafqaz bölgəsi ilə bağlı çoxlu planlar quran düşmənin insanlara verdiyi ağrı və əzabların şahidi olan komandanın vəzifəsi olduqca çətindir.  Soyuq, hiylələr və fikir ayrılıqları, ingilis və rus agentlərinin məkrli oyunları və erməni dəstələrinin hücumları ilə qarışdıqda, nəyin bahasına olursa olsun yerinə yetirmələri lazım olan vəzifə təhlükə altındadır.

Çəkilişlərinə 2021-ci ilin martında başlanacaq "Qızıl qatar" filmi bu böyük mübarizənin çətinliyini və fövqəladə hərəkətini emosional anlatımla tamaşaçılara çatdıracaq.

 Skala Production, Türkiyə - Azərbaycan ortaqlığı və izdihamlı aktyor heyətini bir araya toplayan film üçün danışıqlara başlandığını açıqladı.

 Türkiyə və Azərbaycanın tarix boyu bütün dünyada nümunə olan, dostluq və diplomatik münasibətlərinə aid olan "Qızıl Qatar"  2022-ci ilin aprel ayında ekranlara çıxması gözlənilir.

Mənbə: yenisafak.com