Uğursuz aktyorluq təcrübəsi Tarantinoya rejissor olmağa kömək etdi
Amerikalı rejissor Kventin Tarantino Cimmi Fellonun Tonight Show şousunda bildirib ki, rejissor olmasına uğursuz aktyorluq təcrübəsi kömək edib. Bu barədə Entertainment Weekly xəbər verib.
“Kino çəkməyə başlamazdan əvvəl çox uğursuz aktyorluq təcrübəm olud. Məni “Qızıl qızlar” serialındakı epizodun çəkilişi üçün çağırmışdılar ki, orada əsas qəhrəmanlardan birinin toyunda Elvis Preslini canlandırırdım”, - Tarantino bildirib.
Onun sözlərinə görə, onun epizodik roluna görə 650 dollar pul ödənilmişdi, amma seriya çox məşhurlaşdı və onu dəfələrlə nümayiş etdirdilər, Tarantinoya isə faiz ödənilirdi. Bu, gələcək rejissora “Quduz itlər” üzərində işə başlamaq üçün kifayət edəcək üç min dollar qazandırdı.
Baş rolları Harvi Keytel, Maykl Medsen, Tim Rot, Kris Penn və Stiv Buşemi icra edən 1991-ci il dramı Kventin Tarantinonun rejissorluq karyerasının başlanğıcını qoydu.
Şərhlər
Şərhləri göstər Şərhləri gizlət