Slimfit
  1. DÜNYA

Ukraynada hərbi vəzifəlilər 25 milyon dollar mənimsəməkdə ittiham olunurlar

Ukraynada hərbi vəzifəlilər 25 milyon dollar mənimsəməkdə ittiham olunurlar
Sakura

Ukraynada hərbi vəzifəlilər 25 milyon dollar mənimsəməkdə ittiham olunurlar

Ukrayna Baş Prokurorluğu ölkənin Müdafiə Nazirliyinin üç keçmiş məmuruna qarşı Ukrayna Silahlı Qüvvələri üçün zirehli geyimlərin (bronjiletlərin) alınması zamanı 948 milyon qrivna (təxminən 24, 8 milyon dollar) dəyərində əmlakın mənimsənilməsi ilə bağlı ittiham irəli sürüb.

Yeniavaz.com Ukrayna KİV-ə istinadla xəbər verir ki, bu barədə ölkənin Baş Prokurorluğunun mətbuat xidməti “Telegram” kanalında məlumat yayıb.

Məlumatda bildirilib ki, Baş Prokurorluq Ukrayna müdafiə nazirinin keçmiş müavininə və nazirliyin dövlət satınalmaları və təchizatları departamentinin keçmiş rəisinə qarşı yeni ittihamlar irəli sürüb. Bundan başqa, Baş Prokurorluğun məlumatına görə, Ukrayna Silahlı Qüvvələrinin Maddi Təminatının İnkişafı və Dəstəyi üzrə Mərkəzi İdarəsinin Geyim təminatının inkişafı şöbəsinin keçmiş rəisinə qarşı da ittiham irəli sürülüb.

İstintaqın məlumatına görə, təqsirləndirilən şəxslər hərbi vəziyyət dövründə Ukrayna Silahlı Qüvvələrinin ehtiyacları üçün keyfiyyətinə və xüsusiyyətinə görə müəyyən edilmiş tələblərə cavab verməyən və orduda istifadə edilməsi mümkün olmayan 50 min ədəd zirehli geyim alıblar. Beləliklə, onların tədarükü nəticəsində dövlətə 948 milyon qrivna (təxminən 25 milyon dollar) məbləğində ziyan dəyib.

İşdə iştirak edən şəxslərin adları açıqlanmasa da, onlardan ikisinin artıq həbsdə olduğu bildirilir. Təqsirləndirilən şəxslər əmlakı mənimsəməkdə və Ukrayna Silahlı Qüvvələrinin qanuni fəaliyyətinə mane olmaqda ittiham olunur. Onları 15 ilə qədər həbs gözləyir.

 

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Sakura

Ən çox baxılanlar

Məmmədbağır Bağırzadə (1950-2005) və Gülşən Qurbanova (1950-2006)

Redaktor seçimi

SON XƏBƏRLƏR