1. CƏMİYYƏT

UNEC tələbəsindən ermənilərə iqtisadiyyat dərsi: Hindistanlı professordan təşəkkür məktubu

UNEC tələbəsindən ermənilərə iqtisadiyyat dərsi: Hindistanlı professordan təşəkkür məktubu

UNEC tələbəsindən ermənilərə iqtisadiyyat dərsi: Hindistanlı professordan təşəkkür məktubu

Azərbaycan Dövlət İqtisad Universitetinin “Mühasibat uçotu” ixtisasının III kurs tələbəsi Vəli Səməndərli Xorvatiyada keçirilən Beynəlxalq elmi konfransda çıxış edib.

Ens.az xəbər verir ki, bu barədə V. Səməndərli Modern.az-a özü məlumat verib.

“Təcavüzkar siyasətin Ermənistan iqtisadiyyatına təsiri” (İmpact of agressive policy to the economy of Armenia) mövzusunda azərbaycanlı tələbənin çıxışı maraqla qarşılanıb.

Konfransada  Azərbaycan, Polşa, Hindistan, Rusiya, Türkiyə, Litva, Xorvatiya və Slovakiya nümayəndələri iştirak edib.

Azərbaycandan  yeganə çıxışçı olaraq UNEC SABAH tələbəsi Vəli Səməndərli qatılıb.

Konfrans iştirakçıları mövzunun adına görə azərbaycanlı tələbəni öncə erməni zənn ediblər.

Ancaq öz çıxışı zamanı V. Səməndərli sovet dövrünə ekskurs edib, Azərbaycan və Ermənistan arasındakı iqtisadi əlaqələrə toxunub.

Sonra hazırda Azərbaycanın bölgədə başlatdığı dünya səviyyəli neft, qaz, dəmiryolu və s. kimi layihələrdən, onun böyük maliyyə tutumundan, Ermənistanın bundan kənarda qalmasını rəqəmlərlə ifadə edib.

Çıxışının sonunda məhz Ermənistanın aqressiyası, işğalçı siyasəti nəticəsində bu böyük layihələrdən kənarda qaldığını vurğulayıb.

Mövzunun bu sonluğa gələcəyini gözləməyən aparıcı azərbaycanlı tələbəyə  “Ermənistan iqtisadiyyatında turizmlə bağlı problemlərin həlli üçün hansı tövsiyyələri verərdiniz?” sualını ünvanlayıb.

Vəli Səməndərli Ermənistan iqtisadiyyatında problemlərin başlıca səbəbi kimi işğalçı dövlətin Azərbaycana qarşı  təcavüzkar mövqedə olduğunu göstərib.

O qeyd edib ki, bu probləmlərin həllinin kökündə münaqişənin sülh yolu ilə həll olunması və işğal edilmiş Azərbaycan torpaqların azad edilməsi faktoru dayanır.

V. Səməndərli  “Ermənistan iqtisadiyyatının xilası Azərbaycan torpaqlarının azad edilməsindən keçir” deyə, davam edib.

Konfransdan sonra Hindistanın West Wirginia Universitetinin Menecment fakültəsinin  professoru Abhishek Srivastava Qarabağ məsələsi ilə bağlı onda dəqiq təəssürat yaratdığı üçün Vəli Səməndərliyə minnətdarlığını bildirib.

Qeyd edək ki, azərbaycanlı tələbələr Vəli Səməndərli və Zaur Məmmədovun birlikdə hazırladıqları mövzuya Azərbaycan Dövlət İqtisad Universitetinin nəzdində İqtisadi Araşdırmalar Elmi-Tədqiqat İnstitutunun böyük elmi işçisi, UNEC-in alimi Fərhad Mikayılov rəhbərlik edib.

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Ən çox baxılanlar

Bu gün pələnglərin ən məşhur müdafiəçilərindən biri məşhur Hollivud ulduzu Loenardo Di Kapriodur. O Rusiyaya gələrək, Amur pələnglərin müdafiəsi üçün 1 milyon dollar bağışlayıb.

Redaktor seçimi

SON XƏBƏRLƏR