1. MARAQLI

"Unikal və təsirli an": dişi şir leopard balasına ana südü verir

"Unikal və təsirli an": dişi şir leopard balasına ana südü verir

"Unikal və təsirli an": dişi şir leopard balasına ana südü verir

Tanzaniyanın Ngorongoro qoruğunda fotoqraflara ilk dəfə olaraq dişi şirin leopard balasına ana südü verməsini müşahidə etmək nəsib olub.

Beş yaşı olan Nosikitok adlı dişi şirin özünün də üç balası var. Şir balaları və leopard balasının hamısının yaşı cəmi 2-3 həftədir.

"Bu, unikal hadisədir. - Heyvanların mühafizəsi ilə məşğul olan Panthera təşkilatından doktor Luke Hunter deyib. - Bir şirin digər şirin balasına baxması halları qeydə alınıb. Lakin şirin leopard balasına da analıq etməsi hələ görünməmişdi".

Adətən, şir digər növ iri vəhşi pişiyin balasını gələcək rəqibi sayaraq, onu məhv etməyə çalışır.

Nosikitok adlı dişi şirin öz balaları da var.

 

Boynuna keçirlmiş xaltada GPS ötürücüsü olan dişi şir, leopard balasını yuvasından 1 km məsafədə tapıb. Bala leopardın bəxti gətirib ki, həmin anda şirdə ana hormonlarının səviyyəsi yüksək olub. Dişi şir ana instiktinə uyğun olaraq leopard balasına ana qayğısı göstərməyə başlayıb.

Leopard balasının cəmi 2-3 həftə yaşı var

 

Leopard balasının bəxti gətirib, doktor Hunter bildirib.

 

Qoruq əməkdaşlarına ətraf ərazidə dişi leopardın balaları ilə birgə yaşadığı məlum olub.

Ekspertlər hesab edir ki, sözügedən leopard balasının öz anası ilə qovuşması yaranmış vəziyyətdən ən yaxşı çıxış yolu olardı.

Dişi şirin leopard balasına hələ nə qədər ana qayğısı göstərəcəyi məlum deyil.

1-1,5 ildən sonra leopard balası böyüyəcək və özünü leopardlara xas olan tərzdə aparmağa başlayacaq.

Leopard balasının, anası ilə tezliklə qovuşacağına ümidlər var

 

Doktor Hunter-in sözlərinə görə, o, həmkarları ilə birgə hadisələrin necə inkişaf edəcəyini böyük maraqla izləməyə hazırdır.

"Canlı təbiət gözlənilməz sürprizlər mənbəyidir. Dünənə kimi biz belə bir hadisəni ağlımıza da gətirə bilməzdik. Amma, buyurun baxın - qarşımızdadır!", - ekspert deyib.

 

 

Mənbə: BBC Azərbaycan

 

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Ən çox baxılanlar

Azərbaycan qadınları, Şuşa, Qarabağ, 1920

Redaktor seçimi

SON XƏBƏRLƏR