Usta Abdulla - Çağında
Bir ox vurdun ürəyimin başına,
A bimürvət, günün batan çağında.
Naşı ovçu durub ov bərəsində,
Maral gəldi keçdi atan çağında.
Doldurub verəsən ipək sağıdan,
Qurtarmadım bu bimürvət yağıdan.
Səni nist olasan, məclis dağıdan,
Şirin ixtilatın qatan çağında.
Qafıldan canıma saldın azarı,
İl müddət çəkirəm bu ahü-zarı.
Açılsa Yusifin Firdos bazarı,
Sən al Abdullanı satan çağında.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət