Usta Abdulla - Layiqdimi
Mənim kimi bülbül olmaq,
Güllərinə layiqdimi?
Aşığı sürgün eləmək,
Ellərinə layiqdimi?
Köynəyin humayun ağı,
Haşiyəsi cənnət bağı,
Sinəmə çəkirsən dağı,
Əllərinə layiqdi mi?
Ağladırsan, güldürürsən,
Eynim yaşın sildirirsən,
Abdullanı dindirirsən,
Dillərinə layiqdi mi?
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət