Usta Abdulla - Mənim
Qulaq asın, a yoldaşlar,
Çoxdu qəhri-qəzam mənim.
Xəstə düşdüm qürbət eldə,
Artıq olub cəzam mənim.
Bir zaman gəzdim havalı,
Götürdüm muzdu, bavalı.
Qonşum imiş un çuvalı,
Dostum imiş qazan mənim.
Mənim işim ahü-zardı,
Bu gen dünya mənə dardı.
Abdullayam, günahkardı,
Dəftərimi yazan mənim.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət