Varxiyanlı Aşıq Məhəmməd - Bağları

Bir gözəl görmüşəm bizim ellərdə, 
Üzündə sezmişəm busə bağları. 
Yaşılbaşlar cəm-xəm eylər göllərdə, 
Tərlan şikarında busa bağları.

Nəzər saldım xanəsində a dərə, 
Zəhmətimdən süzüləndə a dərə,
Könül istər güllərini a dərə,
Qorxum budu bağban busa bağları.

Məhəmmədəm, çəksəm gəlməz ayarım, 
Dolu badəm indi oldu a yarım,
Nə səbəbdən pərişansan a yarım?!
Səni qəmgin gördüm bu sabağları.