İspaniya La Liqasında XVI turun mərkəzi görüşündə "Real Madrid" "Santyaqo Bernabeu"da "Barselona" üzərində 2-0 hesablı qələbə qazanıb.

Offsideplus.az xəbər verir ki, "el-klasiko"nu izləyənlər arasında "kral klubu"nun sabiq forvardı, hazırda İtaliya "Yuventus"unun formasını geyinən Kriştianu Ronaldo da olub.

71-ci dəqiqədə hesabı açan Vinisius Junior qol sevincini Ronaldo tərzində edib.

Image

Oyundan sonra açıqlama verən Vinisus Ronaldonun fasilə zamanı onların yanına gəldiyini deyib: "Ronaldo fasilədə paltardəyişmə otağına gəldi və komandaya, futbolçulara motivasiya verdi. Buna görə də qol sevincimi onun tərzində etdim. O meydanda da, meydandan kənarda da qalibdir".

Qeyd edək ki, oyunda ikinci qolu 90+2-ci dəqiqədə Mariano Dias vurub. Bu qələbə sayəsində xalını 56-ya çatdıran "Real Madrid" liderliyə yüksəlib.