21 fevral 2020, cümə
.
.
chevron_left chevron_right
AZƏRBAYCAN

Vyetnamın nüfuzlu VTC1 televiziya kanalında Azərbaycan haqqında veriliş yayımlanıb

Vyetnamın nüfuzlu VTC1 televiziya kanalında Azərbaycan haqqında veriliş yayımlanıb

154 Baxış
Vyetnamın nüfuzlu VTC1 televiziya kanalında Azərbaycan haqqında veriliş yayımlanıb

Vyetnamın 50 milyondan çox tamaşaçısı olan VTC1 televiziya kanalında “Azərbaycan-sirlər yurdu” adlı film nümayiş etdirilib.

AZƏRTAC xəbər verir ki, filmdə Azərbaycanın təbiəti, turizm imkanları, zəngin mədəniyyəti, o cümlədən mətbəxi, milli musiqisi və rəqsi, xalçaçılıq sənəti, çövkən oyunu, habelə qədim tarixi abidələrindən və zəngin memarlığından geniş bəhs olunub.

Qeyd olunub ki, Şərq ilə Qərbin kəsişdiyi məkanda yerləşən, zəngin mədəniyyətə malik Azərbaycan son illər dünyanın sürətlə inkişaf edən ölkələrindən birinə çevrilib. Azərbaycanın əsrarəngiz təbiətə malik olması ilə yanaşı, dünyanın zəngin qədim tarix və memarlıq mərkəzlərindən biri olduğu bildirilib.

Filmdə Bakının qədimliyi, habelə Azərbaycanın zəngin mədəniyyəti, “İçərişəhər” və Qobustan qoruqları haqqında ətraflı bəhs edilərək, hər iki kompleksin UNESCO-nun Dünya İrs Siyahısına daxil edildiyi bildirilib. Azərbaycandakı binaların tarixi barədə müfəssəl məlumat verilən filmdə qeyd olunub ki, XX əsrin əvvəllərində Bakıda Avropa memarlığı üslubu ilə bir çox bina tikilib, müasir dövrdə də həmin istiqamətin davam etdirildiyi diqqətə çatdırılıb.

Filmdə Vyetnamın media və turizm şirkətlərinin nümayəndələrindən ibarət qrupun Azərbaycana səfərinə və keçirdiyi görüşlərə toxunularaq, hər iki ölkənin turizm sahəsində böyük əməkdaşlıq potensialına malik olduğu vurğulanıb.

Yekunda vyetnamlılara müxtəlif iqlim qurşağında yerləşən və turistlər üçün son dərəcə cazibədar olan Azərbaycana səfər etmək tövsiyə olunub.

 





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Səsli xəbərlər
(“Tesla” serb dilində baltayla çapacağın birləşməsindən yaranan bir alətin adıdır. Bu alətdən ağacdan hazırlanan bəzi avadanlıqların, məsələn qayıqların, çəlləklərin içinin oyulmasında istifadə olunur.
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

FAM Group Media X