26 fevral 2020, çərşənbə
.
.
chevron_left chevron_right
MƏDƏNİYYƏT

Xalq artisti Həsən Turabovun xatirəsi yad olunacaq

Xalq artisti Həsən Turabovun xatirəsi yad olunacaq

Xalq artisti Həsən Turabovun xatirəsi yad olunacaq

Noyabrın 15-də Bakıda Azərbaycan teatr və kino sənətinin parlaq nümayəndəsi, Xalq artisti Həsən Turabovun 80 illiyinə həsr edilmiş tədbir keçiriləcək.

Trend-in məlumatına görə, Akademik Milli Dram Teatrında reallaşacaq tədbir Mədəniyyət Nazirliyi və sənət ocağının birgə təşkilati dəstəyi ilə gerçəkləşəcək. Tədbir çərçivəsində unudulmaz aktyorun milli kinomuzun inkişafındakı xidmətlərindən danışılacaq, sənət fəaliyyəti haqqında məlumat veriləcək.

Azərbaycanın çoxəsrlik zəngin mədəni ənənələrindən lazımınca bəhrələnən Həsən Turabov fitri istedadının verdiyi imkanlar sayəsində səhnəyə yeniliklər gətirməklə özünəməxsus üslubunu yaradıb və milli mədəniyyət salnaməsinə parlaq səhifələr yazıb. Sənətkarın çoxsaylı tamaşalarda və ekran əsərlərində böyük ustalıqla canlandırdığı mürəkkəb xarakterli, müxtəlif dünyagörüşlü obrazlar ölkə teatrı tarixinin və kinematoqrafiyasının nailiyyətləri sırasında həmişəlik yer tutmuş qiymətli sənət inciləridir.

Həsən Turabov 1938-ci il martın 24-də Bakıda anadan olub. Orta məktəbi bitirdikdən sonra Azərbaycan İncəsənət İnstitutuna daxil olan sənətkar, 1960-cı ildə aktyorluq ixtisası üzrə ali təhsilini başa vurub. Elə həmin ildən Azərbaycan Dram Teatrında aktyor kimi fəaliyyətə başlayıb və ömrünün sonuna qədər bu teatrda çalışıb. 1987-2001-ci illərdə teatrın direktoru və bədii rəhbəri vəzifələrində işləyib.

Həsən Turabov bir sıra bədii filmlərdə, o cümlədən, televiziya filmlərində maraqlı və yaddaqalan obrazlar yaradıb. “Yeddi oğul istərəm” filmindəki Gəray bəy obrazı onun ən yaddaqalan rollarındandır. Onun digər bir yaddaqalan rolu “Babək” filmində yaratdığı Afşin obrazıdır. Aktyor “Axırıncı aşırım”, “Dantenin yubileyi”, “Qəm pəncərəsi”, “Bəyin oğurlanması” və başqa filmlərdəki rolları da öz ifa tərzi ilə seçilir.

“Qanlı zəmi” filminin rejissoru olmuş sənətkar son olaraq “Ailə” və “Nə gözəldir dünya” ekran əsərlərində rol alıb.





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Səsli xəbərlər
Ağdam, Azərbaycan, 1993-cü il. Qız güllə və bomba partlayışı səslərini eşitməmək üçün qulaqlarını tutub.
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

FAM Group Media X