5 aprel 2020, bazar
.
.
chevron_left chevron_right
MƏDƏNİYYƏT

Xalqımızın qəhrəman oğlu Mehdi Hüseynzadənin anadan olmasının 100 illiyi qeyd edilib

Xalqımızın qəhrəman oğlu Mehdi Hüseynzadənin anadan olmasının 100 illiyi qeyd edilib

336 Baxış
Xalqımızın qəhrəman oğlu Mehdi Hüseynzadənin anadan olmasının 100 illiyi qeyd edilib

Noyabrın 5-də Cəfər Cabbarlı adına Respublika Gənclər Kitabxanasının əməkdaşları xalqımızın qəhrəman oğlu, Sovet İttifaqı Qəhrəmanı Mehdi Hüseynzadənin heykəli qarşısında anım tədbiri keçirib.

Kitabxanadan AZƏRTAC-a bildirilib ki, ölməz qəhrəmanın heykəli önünə gül dəstələri qoyularaq onun keçdiyi döyüş yolu haqqında geniş məlumat verilib.

Cəfər Cabbarlı adına Respublika Gənclər Kitabxanasının elmi işlər üzrə direktor müavini Xalidə Musayeva bildirib ki, Azərbaycan Prezidenti İlham Əliyev 2018-ci il iyunun 23-də Azərbaycan xalqının qəhrəman oğlu, İkinci Dünya müharibəsi dövründə antifaşist müqavimət hərəkatının fəal nümayəndəsi, Sovet İttifaqı Qəhrəmanı Mehdi Hüseynzadənin anadan olmasının 100 illik yubileyinin keçirilməsi haqqında Sərəncam imzalayıb. Sərəncama əsasən ölkəmizin hər yerində silsilə tədbirlər keçirilməkdədir.

Tədbirdə Mehdi Hüseynzadənin Bakının Novxanı kəndində anadan olması, təhsilini Bakı Rəssamlıq məktəbində, Leninqrad Xarici Dillər İnstitutunda, Azərbaycan Pedaqoji İnstitutunda alması, müharibə illərindəki döyüş yolları haqqında geniş məlumat verilib. Mehdi Hüseynzadənin “Mixaylo” ləqəbi ilə partizan hərəkatındakı şücaətindən, İtaliyanın Vitovlye kəndində həlak olmasından, ölümündən sonra ona Sovet İttifaqı Qəhrəmanı adı verilməsindən söhbət açılıb.

Bildirilib ki, Mehdi Hüseynzadə 1941–1945-ci illər müharibəsində faşizmə qarşı mübarizədə apardığı çoxsaylı uğurlu kəşfiyyat əməliyyatları və nümayiş etdirdiyi misilsiz hərbi şücaətləri ilə böyük şöhrət qazanıb.

Tədbirdə şagirdlər Mehdi Hüseynzadəyə həsr olunmuş şeirlər söyləyiblər.

Sonda kitabxanada təşkil olunmuş “Mehdi Hüseynzadə-100” adlı fotostendə baxış keçirilib.

 





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Xınalıq
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

FAM Group Media X