Yenilik satışa bu gün çıxacaq
Ens.az Ixbt.com resursuna istinadən xəbər verir ki, Xiaomi şirkəti Yunmi brendi olaraq ağıllı paltaryuyan maşın təqdim edib ki, o da 205 dollar qiymətə təklif ediləcək.
Baraban tipli bu paltaryuyan maşın yuma zamanı paltarı qoruyur, parçaya zərər vurmur və onların deformasiyasına səbəb olmur. Paltarın maksimum çəkisi 8kq təşkil edir, sıxma sürəti dəqiqədə1200 dövrə çatır, bununla yanaşı maşın demək olar səssiz işləyir. Xiaomi Yunmi Smart Washing Machine yumadan əvvəl suyu 40 dərəcəyə qədər qızdırır ki, paltar daha yaxşı təmizlənsin.
32 dəqiqəyə sürətli, 15 dəqiqəyə isə çox sürətli yuma nəzərdə tutulub. Bu rejimlərdə müvafiq olaraq 3 və 2kq-a qədər paltar yumaq olar. Bu suya və elektrikə qənaət edərək az çirkli paltarları yumağa imkan verir.
Yumanı idarə etmək və prosesi izləmək üçün smartfonla xüsusi proqramdan istifadə etmək olar ki, o da yuma zamanı yaranan problemləri bildirəcək və paltarları çıxarmağı xatırladacaq.
Şərhlər
Şərhləri göstər Şərhləri gizlət