31 may 2020, bazar
.
.
chevron_left chevron_right
TEXNOLOGİYA

Xiaomi Mi Noutbuk 15.6: diskret GeForce videokartı və tam ölçülü klaviatura

Xiaomi Mi Noutbuk 15.6: diskret GeForce videokartı və tam ölçülü klaviatura

388 Baxış
Xiaomi Mi Noutbuk 15.6: diskret GeForce videokartı və tam ölçülü klaviatura

Xiaomi şirkətinin oyun noutbuku olan Mi Noutbuk Pro 2-nin anonsunun ardından Mi Noutbuk 15.6 adı altında daha ucuz noutbuk modelini təqdim edib. Yenilik 8-ci nəsil Intel Core prosessoru və NVIDIA GPU, tam ölçülü klaviatura və qabaqcıl soyutma sistemini əldə edib. Qeyd etmək lazımdır ki, şirkət ənənələrini dəyişməyib: noutbukun qiyməti xoş sürpriz oldu.

Noutbuk 15.6 diaqonallı Full HD ölçülü, 178 dərəcə baxış bucağı və antiblok örtüklü IPS-displeylə təchiz olunub. 19,9mm qalınlıqlı cihazın korpusu metaldan olan yuxarı qapaqdan başqa bütün hissəsi plastikdən hazırlanıb.

Noutbukun həm Intel Core i5, həm də Core i7 U seriyalı prosessorla olan variantı var. Əməli yaddaşın həcmi konfiqurasiyadan asılı olaraq 4 və ya 8QB-a bərabərdir. Həmçinin istifadəçilərdə RAM-ı 32QB-a qədər artırmaq imkanı var (DDR-4-2400 yaddaş yuvalarından istifadə olunur).

Yaddaşa ƏS quraşdırılmış 128QB SSD və terabaytlıq HDD cavabdehdir. Qrafik imkanı 2QB video yaddaşa malik NVIDIA GeForce MX110 videoçipi ilə təqdim olunub. İstiliyin effektiv çıxalıması üçün CPU və GPU üçün ayrıca istilik boruları olan iki pərli soyutma sistemindən istifadə olunur.

Bu tipli cihazlar üçün standart interfeys dəsti: HDMI, iki USB 3.0 yuvası, qiqabit LAN-port və 3,5mm audioçıxış korpusun sol tərəfində yerləşdirilib. Kart oxuyucu, bir ədəd USB 2.0 və adapter girişi sağ tərəfdədir. Tam ölçülü düymələrin gedişi işıqlandırmasız 1,5mm təşkil edir. Brauzerin sürətli açılması üçün ayrıca düymə nəzərdə tutulub. Audiosistem Dolby Audio texnologiyasını dəstəkləyən 3Vt gücünə malik iki dinamikdən ibarətdir.

Xiaomi Mi Noutbuk 15.6 Çində artıq əvvəlcədən sifariş üçün əlçatandır. Intel Core i5 prosessoru və 4QB əməli yaddaşlı əsas konfiqurasiya 580$-a başa gələcək. Core i5 və 8QB əməli yaddaşlı olan variant 655$, Intel Core i7 və 8QB bazasında olan model isə 725$ təşkil edir.

Yenilik iki rəngdə korpusla çatdırılır: boz və ağ. Çin ərazisində satış 28 avqust tarixində başlayacaq.

Mənbə: item.mi.com (4pda.ru)





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Alyaskanın bayrağını 13 yaşlı uşaq tərtib edib
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ
Oxşar xəbərlər

X