Xiaomi rəhbərindən gözlənilməz açıqlama Şirkət tamamilə fərqli ola bilərdi
Onu az qala Xuande və ya Red Star adlandıracaqdılar.
Xiaomi şirkətinin baş direktoru Ley Çzyun (Lei Jun) şirkətin təsisi ilə bağlı gözlənilməz təfərrüatları açıqladı. Hekayə Xiaomi şirkətinin rəsmi səhifəsində onillik yubiley münasibətilə dərc olunub.
Ley Çzyunun sözlərinə görə, bir neçə təsisçi 2010-cu il yanvar ayının 14-də ilk rəsmi iclasda görüşdü. Yığıncaqda əsas müzakirə mövzusu brendin adı oldu. İlk təklif Red Star oldu, sonra onu ticarət markası hüquqları ilə əlaqədar rədd etdilər.
Həmçinin şirkəti iclasın keçirildiyi şəxsi evin şərəfinə Xuande adlandırmaq da təklif edildi. Bu təklif yaxşı səslənmədiyi üçün qəbul edilmədi. Şirkətin mümkün adları siyahısında Red Storm, Qianqi, Antong, Lingxi və s. olmaqla yüzlərlə variant var idi.
Nəticədə Xiaomi adı qəbul edildi. Loqotip Mi birləşməsi oldu. Ley Çzyun qeyd edib ki, burada ilk növbədə “mobil internet”ə istinad var, çünki Xiaomi bu sahədə ixtisaslaşmış bir şirkət olmalı idi. İkincisi, Mi Mission Impossible (mümkün olmayan missiya) olaraq açıqlana bilər, çünki Xiaomi mümkün olmayanın öhdəsindən gəlməli idi.
Şərhlər
Şərhləri göstər Şərhləri gizlət