Slimfit
  1. AZƏRBAYCAN

Xocalı soyqırımına həsr olunan “13” filmi təqdim edildi

Xocalı soyqırımına həsr olunan “13” filmi təqdim edildi
Sakura

Xocalı soyqırımına həsr olunan “13” filmi təqdim edildi

Xocalı soyqırımına həsr olunan "13” adlı qısametrajlı film təqdim edilib.

Ens.az Report.az-a istinadən xəbər verir ki, film Xocalıda ailəsi öldürülən və özü isə təcavüzə məruz qalan qızın həyatından bəhs edir.

Gənclər Fondunun dəstəyi, Gəncliyin Sosial-İqtisadi İnkişafına Yardım İctimai Birliyinin və "Azxeber Media”nın birgə təşkilatçılığı ilə ərsəyə gətirilən film qadın zorakılığını və erməni vəhşiliyini bütün çılpaqlığı ilə ortaya qoyur.

1992-ci ilin fevralın 25-dən 26-na keçən gecə XX əsrin ən dəhşətli soyqırımlarından biri olan Xocalıda baş verənlər 13 yaşını qeyd edən Mənsumənin dilindən ifadə olunur. Ailəsi ermənilər tərəfində qətlə yetirilən qəhrəmanın 29 illik ağrıları və bu ağrılarından doğan, günümüzə qədər yaşadığı izdirablı həyatı filmdə canlandırılıb. Filmin sonunda isə Məsumənin müharibədə iştirak edən qardaşı ona qələbə xəbərini çatdırır.

Filmin ideya müəllifləri tanınmış jurnalistlər - Hacıbəy Heydərli və Əfsələddin Ağalarovdur.

Yazıçı Türkan Turanın hekayəsi əsasında ssenariləşdirilən və gənc rejissor Rüfət Hüseynovun ekranlaşdırdığı "13” filmində aktrisa Şəhla Məmmədova, Yelena Sidrenko-Eyvazlı, aktyor İlqar Musayev və başqaları rol alıb.

Filmdə "Sarı Gəlin” musiqisi fərqli aranjmanda müğənni Çinarə Məlikzadənin ifasında tamaşaçılara təqdim edilib.

Qeyd edək ki, "13” filminin rus və İngilis dillərində olan tərcümələri yaxın günlərdə xarici auditoriya üçün təqdim ediləcək.

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Sakura

Ən çox baxılanlar

Əyləncə, 1928-ci il.

Redaktor seçimi

SON XƏBƏRLƏR