17 fevral 2020, bazar ertəsi
.
.
chevron_left chevron_right
İDMAN

Xorvatların vurduğu qol penalti deyildi? - Millimizin meneceri danışdı

Xorvatların vurduğu qol penalti deyildi? - Millimizin meneceri danışdı

141 Baxış
Xorvatların vurduğu qol penalti deyildi? - Millimizin meneceri danışdı

 

Avro-2020-nin seçmə mərhələsinin Bakıda 1:1 başa çatmış Azərbaycan – Xorvatiya oyununda qonaqların penaltidən vurduğu qol hələ də müzakirə olunur.

Oxu.Az xəbər verir ki, çoxları 11-ci dəqiqədə qapımıza vurulan penalti epizodunda topun sol cinah müdafiəçimiz Anton Krivotsyukun əlinə dəyməməsinə görə penalti verilməli olmadığını düşünür.

Artıq baş məşqçimiz Nikola Yurçeviç də bu epizodla bağlı Xorvatiya mətbuatına danışıb:

“Məndə elə təəssürat yarandı ki, buraxdığımız qol epizodunda penalti yox idi. Komandamızın meneceri telefonunda həmin epizodu göstərəndən sonra izahat almaq üçün dördüncü hakimin yanına getdim”.

Milli komandamızın meneceri Zaur-Hacı Məhərrəmov da Oxu.Az-a açıqlamasında penalti qərarının çox mübahisəli olduğunu bildirib:

“Yurçeviç, həqiqətən, mənə yaxınlaşdı və telefonumda təkrarı göstərməyimi istədi. Təkrara baxdıqdan sonra dedi ki, penalti verməmək olardı. Əllə yox, çiyinlə hərəkət olduğundan, təmiz penalti deyil.

Şəxsən mən də düşünürəm ki, oyunun əvvəli idi, verməmək olardı. Orada Antonun hərəkəti vardı. O sinəsini qabağa verməsəydi, bəlkə də, penalti verilməzdi. Biz federasiya olaraq oyunsonrası baş hakimin qərarından şikayətimizi bildirmədik.

Özünüz də bilirsiniz ki, UEFA bu kimi məsələlərə baxmır. O boyda “Qarabağ”ın “İnter”lə görüşündə açıq-aşkar qolu hakim səhvi ucbatından sayılmadı. Onda etiraz heç bir xeyir vermədisə, şikayət etməyin mənası yoxdur.

Əlbəttə ki, o, emosiyalarla dördüncü hakimə penalti barədə etirazını bildirdi. Amma dördüncü hakim qərarını dəyişən deyil. O bildirdi ki, sakit olun, yerinizdə əyləşin. Orada bundan artıq dialoq ola bilməz”.

Səbuhi Musayev





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Səsli xəbərlər
Yəhudi alimlər sübut edib ki, bir insan 3 gün davamlı yuxuya gedib yatarsa, o zaman o ayılanda kim olduğunu unudar!
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

FAM Group Media X