Ens.az
21 noyabr 2019, cümə axşamı
.
.
Nərgiz Qəhrəmanova

Yalan Sevgilər...

Könlümü eylədi talan sevgilər... Öldürüb Nərgizi yalan sevgilər...

Məcnun sevgilərin yaddaşıyam mən,
Yalanmış, sən demə, qalan sevgilər.
Yuxuymuş,röyaymış,xülyaymış,nəymiş
Məni qanadına alan sevgilər?

Nə yaman canidir, bu can alacaq,
Könül, fürsət varken yığış gel qaçaq!
Qoynunda bəsləsən bir gün çalacaq
Bu soyuq nefesli ilan sevgiler...

Biz toyuq cücəyik, dünya kuməşdir,
Çalış dən tapasan sevgi əbəsdir.
Qalan sevgileri isteme, besdir
Sənə Nərgizinden qalan sevgilər...

Sözlerin acıdır, hərəsi bir ox,
Bu acı sözlərdən artıq toxam tox!
Bir yola düşmüşəm çıxış yolum yox -
Dalandır, dalandır, dalan sevgiler...

Əvvəlcə göstərdin özün yar kimi,
Oldun damağımda zəhrimar kimi.
Yağışdan sonrakı damcilar kimi
Qəlbimin evinə dolan sevgilər.

Neçə ürəklərə acı tökülüb,
Senan peşman olub xaçı tökülüb.
Dərd qemden Leylinin saçı tökülüb,
Məcnun saçlarını yolan sevgilər.

Bütün ümidlerim puç oldu, getdi
Ruhum diyar-diyar qovuldu getdi.
Sonuncu sözüyle od qoyub getdi,
Könlümü eylədi talan sevgilər...
Öldürüb Nərgizi yalan sevgilər...


X