Yaponiyanın qərbində şiddətli istilər davam edir

Yaponiyanın qərbində şiddətli istilər davam edir

Avqustun 24-də Yaponiyanın qərb hissəsində və digər regionlarında şiddətli istilər davam edir.

Ens.Az AZƏRTAC-a istinadən bildirir ki, ölkənin bir sıra vilayətində 37 dərəcə isti proqnozlaşdırılır. Bildirilir ki, yüksək hava təzyiqi mərkəzi Hönşü adasını ağuşuna alıb. Yaponiyanın qərbində yerləşən Tokay regionunda termometrlərin civə sütunu sübh tezdən yuxarı həddə çatıb.

Yerli vaxtla saat 11:30-da ən yüksək temperatur Oita prefekturasının Bunqo-Ono şəhərində qeydə alınıb - 35,1 dərəcə. Temperaturun artmaqda davam edəcəyi, Naqoya və Kumamoto prefekturalarında 37 dərəcəyədək qalxacağı gözlənilir.

Tokio paytaxt regionunda günvurma nəticəsində həyatını itirənlərin sayının 170 nəfərə çatdığı qeyd edilir.

Əlaqədar dövlət qurumları sakinlərə ehtiyac yaranmadığı təqdirdə küçəyə çıxmamağı, baş geyimindən istifadəni və çoxlu maye qəbul etməyi tövsiyə edirlər.