Yaponlar hədsiz işləyənləri dronun köməyilə ofisdən qovacaqlar

Əmək insanı ucaldır , ancaq unutmaq olmaz ki, ağır zəhmət, gərgin iş rejimi də müəyyən problemlərə yol aça bilər. Görünür, hədsiz işləyən insanları evlərinə qovacaq yenilikçi robotun yaradıcıları da belə düşünürlər.

Ens.az saytı bildirir ki, inkişaf etmiş ofis texnologiyaları sahəsində ixtisaslaşmış Yaponiyanın Taisei şirkəti, yeganə vəzifəsi çox çalışqan işçiləri qovmaqdan ibarət olan maraqlı dron hazırlayıb. Artıq elmi cəhətdən sübut olunub ki, həddindən artıq işqoliklik sağlamlıq da daxil olmaqla ciddi problemlər yaradır. Üstəlik, həddindən artıq zəhmət insanın qəfil ölümünə də səbəb ola bilər.

Taisei T-Frend olduqca sadə işləyəcək. Cihaz, günün sonunda ofisi hava yolu ilə patrul edəcək və hələ də iş yerində olan işçiləri tapacaq. Maşın tam müstəqil rejimdə çalışacaq və bir şəxs tərəfindən idarə edilməsinə və ya "kömək edilməsinə" ehtiyac duymur. Cihaz həmçinin özü batereyasını doldura bilir. Robot yüksək dəqiqlikli kamera və bir sıra sensorlar istifadə edərək işqolikləri tapmalıdır.

Ancaq T-Frend insanlardan getmələrini xahiş etməyəcək. Bunun əvəzinə robot təkrarlanan musiqini işə salacaq və eyni zamanda pərləri ilə səs-küy yaradacaq. Bütün bunlar, ofis işçisinin fikrini işə cəmləməsinə imkan verməyəcək və cihaz yaradıcılarının düşündüyü kimi, binanı tərk etməyə məcbur olacaqlar.

İnnovativ inkişafın vacib xüsusiyyəti, hərəkət üçün GPS-ə ehtiyac duymamasıdır. İşçiləri qovmaq üçün cihaz bir çox Yapon müəssisələrində iş gününün sonu haqqında insanları xəbərdar etmək üçün istifadə olunan çox populyar "Auld Lang Syne" şotland melodiyasından istifadə edəcək.

Mənbə: novate.ru