Ens.az
24 oktyabr 2019, cümə axşamı
.
.
Ülfət Ziyafətqızı

Yaxın gəl...

Yaxın gəl...

Bir qırpım məsafəsi qədər,

Quruyan dodaqlarda

dolub daşan öpüşlərin

ruha axan nəfəsi qədər,

İlk toxunuş həvəsi qədər

Yaxın gəl,sevdiyim,

lap yaxına gəl..

Vaxt dayansın,

Ömür donsun o anda...

Bilinməyən zamanda,

Dəli-dolu arzuların

qanadında

Xəyal quraq...  

Ürkək,körpə qorxulardan

bu sevdanın vüsalının

gizli qalan yerin soraq...

Dar gəlsin bədən ruha,

Yol gedək biz o sabaha

Orda həsrət olmasın,

Vüsal bizə gülümsəsin...

O sabahlar xatirinə

mənə sarıl...

Məni sənsiz buraxma...

Yaxın gəl,sevdiyim,

lap yaxına gəl...


X