8 aprel 2020, çərşənbə
.
.
chevron_left chevron_right
MƏDƏNİYYƏT

“Yeddi gözəl” baleti Moskvada nümayiş olunub

Qara Qarayevin “Yeddi gözəl” baleti Moskva Quberniya Teatrında nümayiş etdirilib.

243 Baxış
“Yeddi gözəl” baleti Moskvada nümayiş olunub

 

AZƏRTAC xəbər verir ki, görkəmli Azərbaycan bəstəkarı Qara Qarayevin 100 illik yubileyi münasibətilə Rusiyanın Xalq artisti Sergey Bezrukovun rəhbərlik etdiyi Moskva Quberniya Teatrında “Russkiy balet” Teatrının ifasında “Yeddi gözəl” baleti nümayiş olunub. Əsəri M.F.Axundov adına Azərbaycan Dövlət Akademik Opera və Balet Teatrının sabiq solisti, Azərbaycanın və Rusiyanın Əməkdar artisti, “Russkiy balet” Teatrının baletmeysteri Vitali Axundov səhnələşdirib.

Tamaşadan əvvəl çıxış edən Azərbaycanın Rusiyadakı səfiri Polad Bülbüloğlu Prezident İlham Əliyevin Sərəncamına əsasən Qara Qarayevin 100 illik yubileyi ilə bağlı silsilə tədbirlərin keçirildiyini bildirərək deyib ki, görkəmli Azərbaycan bəstəkarının yubileyi Rusiyada, Türkiyədə, Qazaxıstanda və digər ölkələrdə təntənə ilə qeyd olunub. P.Bülbüloğlu “Russkiy balet” Teatrının bədii rəhbəri Vyaçeslav Qordeyevə Azərbaycan mədəniyyətinə və incəsənətinə, Qara Qarayev irsinə diqqətinə görə təşəkkürünü bildirib.

Vitali Axundov “Yeddi gözəl”in onun yaradıcılığında xüsusi yerindən danışaraq deyib ki, bu balet ən çox sevdiyi səhnə əsərlərindən biridir. O, tamaşanın ərsəyə gəlməsinə dəstək verən Heydər Əliyev Fondunun Rusiya nümayəndəliyinə və Azərbaycanın Rusiyadakı səfirliyinə minnətdarlığını bildirib.

Qeyd edək ki, Vitali Axundovun quruluşunda “Yeddi gözəl” baleti Moldoviyanın paytaxtı Saransk şəhərində də nümayiş olunub.

 

 





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
İlk kibrit qutularından biri
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

FAM Group Media X