4 aprel 2020, şənbə
.
.
chevron_left chevron_right
TEXNOLOGİYA

Yeni innovativ geyim mobil telefonu enerji ilə dolduracaq

ABŞ-ın Sinsinnati Universitetinin mühəndisləri mobil telefonu enerji ilə doldurmağa imkan verən innovativ geyim üçün “parça” hazırlayırlar

Yeni innovativ geyim mobil telefonu enerji ilə dolduracaq

ABŞ-ın Sinsinnati Universitetinin mühəndisləri mobil telefonu enerji ilə doldurmağa imkan verən innovativ geyim üçün “parça” hazırlayırlar.  

“ICTnews” Elektron Xəbər Xidməti “Naukatv” resursuna istinadən yazır ki, tədqiqatçılar uzun müddətdir karbon texnologiyalar, o cümlədən karbon nanoborucuqlarda enerji saxlayan kostyumlar üzərində iş aparırlar. Nanoborucuqlar buxar mərhələli kimyəvi çökmə adlanan prosesin köməyi ilə vakuum kamerada kvars silisium plastinlərdə “böyüdülür”. Sonra alimlər sənaye çarxı üzərində kiçik lifli kvadratı uzadaraq karbon təbəqəni ipliyə çevirirlər. Hörümçək torunu xatırladan ipliyi adi toxuculuq parçasına tətbiq etmək mümkündür.  

Tərtibatçıların sözlərinə görə, karbon sapları müxtəlif qurğularda, o cümlədən ağır metal ötürücülərində, eləcə də superkondensat və akkumulyatorlarda istifadə etmək olar. Karbon nanoborucuqlar maşınların çəkisini azaltmaq və yanacaqdan istifadənin effektivliyini artırmaq üçün avtomobillərdə və təyyarələrdə mis naqilləri əvəz edə bilərlər. Hazırda universitet laboratoriyası eyni anda təxminən 46 metr karbon nanoborucuq sapı istehsal edir və texnologiya yaradıcılarının sözlərinə görə, gələcəkdə iş prosesinin genişləndirilməsi nəzərdə tutulur.

ABŞ Hərbi Hava Qüvvələrinin tədqiqat laboratoriyası yeni texnologiyadan hərbçilər üçün kostyumların yaradılmasında istifadə etmək məqsədilə Sinsinnati Universiteti ilə əməkdaşlıq edir.

Nizam Nuriyev 

Mənbə: ictnews.az





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Bakı milyonçusu Musa Nağıyev öz dostları ilə. Qeyd edək ki, Azərbaycana ilk avtomobili məşhur xeyriyyəçi, mesenat Hacı Zeynalabdin Tağıyev, daha sonra isə Rotşildlər gətirmişdi.
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

FAM Group Media X