Qanaxma müddətini təxminən 99% və qan itkisini 97% azaldır
Amerikalı alimlər, siçanlar üzərində təcrübə apararaq, qan itkisini 97% azaldan inyeksiya edilə bilən qan laxtalanma agentini təqdim etdilər. Ens.az xəbər verir ki, şəkər pambığına bənzəyən liyofilləşdirilmiş agent bir neçə ay ərzində otaq temperaturunda saxlanıla və inyeksiyadan dərhal əvvəl fizioloji məhlulda bərpa oluna bilər.
Polimer-peptid birləşməsi olan HAPPI, qanaxma yerində zədələnmiş qan damarlarını və aktivləşmiş trombositləri seçici şəkildə bağlaya bilir. Dövr edən trombositlər yaralar üçün bədəni daim yoxlayır. Hansısa qan damarına ziyan dəydikdə, trombositlər qanın qatılaşmasına səbəb olaraq aktivləşir və zədələnmiş damara yapışır.
HAPPI bu aktivləşmiş trombositlərə bağlanır və qanaxma yerində onların yığılmasını artırır. İnyeksiya istənilən yerə edilə bilər - agent onsuz da qanaxma zonasına gedib çatacaqdır. Gəmiricilərlə aparılan təcrübələrdən də göründüyü kimi, HAPPI inyeksiyaları, zədələrdə qanaxma müddətini təxminən 99% və qan itkisini 97% azaldır. HAPPI inyeksiyası bütövlükdə sağ qalma dərəcəsi göstəricilərini artırır.
Mənbə: med2.ru
Şərhlər
Şərhləri göstər Şərhləri gizlət