Yurgen Klopp: "Messi "Liverpul"da olmayacaq"

Yurgen Klopp: "Messi "Liverpul"da olmayacaq"

İngiltərənin "Liverpul" klubunun baş məşqçisi Yurgen Klopp İspaniya "Barselona"sının futbolçusu Lionel Messinin mümkün transferi ilə bağlı sualı cavablandırıb.

"Report" yerli mətbuata istinadən xəbər verir ki, bu barədə 53 yaşlı mütəxəssis İngiltərə Super Kubokunda "Arsenal"la keçirəcəkləri matçdan əvvəl açıqlama verib. 

"Hər bir baş məşqçi argentinalı hücumçunu komandasında görmək istərdi. Lakin o, "Liverpul"da olmayacaq. Çünki klub bu qədər başgicəlləndirici kompensasiyanı ödəməyə hazır deyil".

Qeyd edək ki, İngiltərə Super Kuboku uğrunda matç avqustun 29-da Bakı vaxtı ilə 19:30-da başlayacaq. "Barselona" Lionel Messini almaq istəyən klublar üçün 700 milyon avro kompensasiya müəyyənləşdirib.