Zaxarovadan Paşinyana cavab: “Sözlərlə manipulyasiyanın təhlükəsini anlamaq lazımdır”
Zaxarova Paşinyanın KTMT-dən çıxması ilə bağlı sözlərini şərh edib
Rusiya Xarici İşlər Nazirliyinin rəsmi nümayəndəsi Mariya Zaxarova Ermənistanın baş naziri Nikol Paşinyanın KTMT-dən çıxması ilə bağlı bəyanatını şərh edib və sözlərlə manipulyasiyanın bütün təhlükəsini dərk etməyə çağırıb.
Bu barədə o, brifinqdə Paşinyanın “Ermənistan de-yure KTMT-dən çıxmaq qərarına gəlsə, bu, KTMT-nin Ermənistandan çıxdığını təsbit etməsi nəticəsində baş verəcək” bəyanatı ilə bağlı sualı cavablandırarkən deyib.
“Əgər bu Ermənistanın KTMT-dən çıxması ilə bağlı lobbiçilik etmək üçün xüsusi ifadədirsə, mənə elə gəlir ki, sözlərlə olan manipulyasiyanın təhlükəsini başa düşmək lazımdır. KTMT Ermənistanı necə tərk edə bilər ki?.. Söhbətin nədən getdiyi o qədər də aydın deyil”, - deyə Zaxarova bildirib
O qeyd edib ki, Rusiyada Nikol Paşinyanın nə demək istədiyini tam başa düşmürlər.
Şərhlər
Şərhləri göstər Şərhləri gizlət