Zelenski: "Putin Sovet İttifaqını bərpa etməyə çalışır"

Zelenski: "Putin Sovet İttifaqını bərpa etməyə çalışır"

"Rusiya Prezidenti Vladimir Putin Ukraynaya qarşı müharibəyə başlamaqla Sovet İttifaqını bərpa etməyə çalışır".

Ens.az Oxu.az-a istinadən xəbər verir ki,  bunu Ukrayna Prezidenti Volodimir Zelenski "ABC News"a müsahibəsində deyib.

"Putin Sovet İttifaqının hakimiyyətini bərpa etmək istəyir. Bu mümkün deyil, amma mən əmin deyiləm ki, bunu ona izah edə biləcək insanlar var. O bunu edəcək. Əminəm ki, məqsədinə çatmaq üçün o, ilk növbədə Ukrayna vasitəsilə buna nail olmaq istəyir".

Zelenski qeyd edib ki, Ukrayna üzərində qələbə Putin üçün strateji məqsəddir. O vurğulayıb ki, ukraynalılar rusların mentalitetini ABŞ-dən daha yaxşı başa düşürlər.

 

Onun sözlərinə görə, əgər Ukrayna güclü təhlükəsizlik zəmanəti almasa, atəşkəsdən sonra Rusiyanın Ukraynaya qarşı yeni təcavüzü baş verəcək.