Zelenskini İstanbuldakı görüşə razı salan şəxsin adı məlum oldu

ABŞ və avropalı rəsmilər Ukrayna Prezidenti Volodimir Zelenskinin Rusiya ilə birbaşa danışıqlara razılıq verməsinə çox çətinliklə razı sala bilib.

Ens.az Oxu.az-a istinadən xəbər verir ki,  bu barədə "The Washington Post" diplomatik mənbələrə istinadən məlumat yayıb.

Belə ki, Volodimir Zelenski tabeliyində olan rəsmi şəxslərə Rusiya nümayəndələri ilə görüşməyi qadağan etmək niyyətində olub.

"ABŞ və Avropa rəsmiləri Volodimir Zelenskini heç olmasa Prezident Aparatının rəhbəri Andrey Yermakı və xarici işlər naziri Andrey Sibiqanı Türkiyəyə göndərməyin vacibliyinə inandırmağa çalışıblar, lakin bu zaman onlar Ukrayna liderinin müqaviməti ilə üzləşiblər. Volodimir Zelenski ümumiyyətlə İstanbula getməyin mənasını görməyib" - deyə mənbə iddia edib.

Daha sonra məsələyə ABŞ prezidentinin xüsusi nümayəndəsi Stiven Uitkoff müdaxilə etməli olub. O, Ukrayna liderini inandıra bilib ki, Rusiya ilə birbaşa danışıqlar hər kəs üçün faydalıdır.