Baki - Naz Sana, Niyaz Bize Ey Sevgili!..

Baki - Naz Sana, Niyaz Bize Ey Sevgili!..

Nedür bu handeler bu işveler bu nâz u istiğnâ
Nedür bu cilveler bu şîveler bu kâmet-i bâlâ

Nedür bu pîç pîç ü çîn çîn ü ham-be-ham kâkül
Nedür bu turralar bu halka halka zülf-i müşg-âsâ

Nedür bu ârız u hadd ü nedür bu çeşm ü ebrular
Nedür bu hâl-i Hindular nedür bu habbetü's-sevdâ

Miyânun rişte-i cân mı gümiş âyine mi sînen
Binâguşunla menguşun gül ile jâledür guyâ

Vefâ ummaz cefâdan yüz çevürmez Bâkî âşıkdur
Niyaz itmek ana cânâ yaraşur sana istiğnâ