II. Abdülhamid - Adana Katliamı/Bölgede huzurun sağlanması için Halep ve Adana valiliklerine gönderilen emirler

10 Nisan sene 325

Haleb Vilâyeti'ne

Anâsır beyninde bir gûnâ ihtilâf zuhuruna meydan verilmeyerek asayişin takrîriyle karışıklıkların derhal teskini emrinde vuku bulan himmetleri şâyân-ı takdirdir. İskenderun civarında Akbes karyesinde ahaliye can ve mal ve ırzlarının muhafazalarına dair te’minât i‘tâ ve bunun için de tedâbîr-i ihtiyâtiyeye tevessül edilerek bilâ-tefrîk-i cins ü mezheb ahali ve tebaa-i ecnebiye hukukunun hüsn-i vikâyesine selâmet-i vatan nâmına itina buyurulması ve şu sırada Maraş'daki vücûh ve eşraf-ı memleketin civar kurâyı dolaşarak teskin-i ezhân ve beyne'l-ahali vifâkın idâmesiyle bir gûnâ uygunsuzluğa meydan verilmemesi hususundaki vesâtatlarına hükûmet nâmına beyân-ı teşekkürle beraber evâmir ve nesâyih-i hükûmete rağmen kıtâle sebebiyet veren ve verecek olan aşâirin sairlerine ibret-i müessire olmak üzere hemen haklarında takibât-ı kanuniye icrası hususunda ifâte-i vakt edilmemesi fetânet-i aliyyelerinden muntazardır.

Adana Vilâyeti'ne

Sis katogikosunun muhasarada olduğu haber verildiğinden hemen tahlîsiyle hüsn-i muhafazası ve Payas ve Çokmerzimen cihetlerindeki asayişin iadesiyle ahalinin can ve mal ve ırzlarının muhafazası ve bu hususda tekâsül edeceklerin şiddetle giriftâr-ı mücâzât olacaklarının icab edenlere tebliği tavsiye olunur.