II. Abdülhamid - Adana Katliamı/Olaylardan etkilenerek açıkta kalan ahalinin iskan ve iaşesi

Telgrafnâme
Mahrec Merkezi: Adana
Sevk Numarası: 111

Dahiliye Nezâreti'ne

C. 20 Nisan sene [1]325. Dahil-i vilâyetde ber-devam olan sükûn ve asayişin takviyetin tahkîmine aid tedâbîrden geri durulmamakd[a] ve ahalinin öteye beriye dağılmalarına meydan vermeyecek tedâbîre müracaat edilmekdedir. Ancak Ermenilerin havf u telaş ve diğerlerinin heyecanı henüz külliyyen zâil olamadığından ahvâl-i adiye ve tabîiyenin avdeti için birkaç gün mürûr etmek lâzımdır. Açıkda kalanların te’min-i istirahat ve iâşeleri hakkında mülhakâta tebligât-ı mukteziye icra kılınmakda ve merkezce de icabı ifa edilmekdedir. İskânları ve ihtiyacın derecâtı tedkikât-ı mahsusaya tevakkuf ederek mülhakâtça ve merkezce mümkün olduğu kadar süratle ikmâl-i tahkikâtla arz-ı keyfiyet olunacakdır. Fermân.

Fî 21 Nisan sene [1]325

Adana Valisi
Mustafa

Dahiliye
Mektubî Kalemi
Telgraf Kısmı
Tarih: Fî 22 Nisan sene [1]325

Adana Vilâyeti'ne

C. 21 Nisan sene [1]325. Gerek açıkda kalanların iskânı ve derece-i ihtiyacâtının tayini hakkındaki tedkikâtın gerek mikdar-ı telefât hakkındaki tahkikâtın serî‘an ikmâliyle neticesinin iş‘ârı muntazardır.