Ens.az
15 dekabr 2019, bazar
.
.
chevron_left chevron_right
MARAQLI

177 il işləyən batareya

177 il işləyən batareya hələ də zəngi elektriklə təmin edir

951 Baxış
177 il işləyən batareya

Oksford elektrik zəngi (Oxford Electric Bell) 1840-cı ildən indiyə qədər daim işləyir. Kiçik batareya artıq 177 ildir ki, fasiləsiz olaraq zəngi elektriklə təchiz edir. Onun necə işlədiyini isə heç kim bilmir.

Sirli zəng Oksford Universitetində yerləşir və müdafiə olunmaq üçün şüşə başlıqla bağlıdır. Əllə yazılmış yazıda bildirilir ki, zəng 1840-cı ildə hazırlanıb. O vaxtdan indiyə qədər kiçik çəkic iki zınqırov arasında hərəkət edərək zəng səsi yaradır.

İşləmək üçün enerjini 177 ildir ki, quru batareya təmin edir. O ən uzun ömürlü batareya kimi Ginnesin rekordlar kitabına düşüb.

Quru batareyanın bu qədər uzun müddət işləməsinin sirrini isə heç kim bilmir. O bir-birinin üzərinə keçirilmiş plastinlərdən ibarətdir və onların tərkibi isə hələlik məlum deyil. Ancaq batareyanın xarici materialı barədə onu demək olar ki, o kükürddən hazırlanıb və izolyasiya rolunu oynayır.

Əlbəttə ki, tədqiqatçılar kiçik batareyanın sirrini onu hissələrə ayıraraq müəyyən edə bilərlər, lakin bu onun işləməsinə son qoyacaq və bu sınağa heç kim cavabdeh olmaq istəmir.

Batareyanın qalan gərginliyi o qədər azdır ki, zəngi xüsusi texniki vasitələr olmadan eşitmək mümkün deyil. Batareyanın 10 milyard dəfə zəngi çalmağa vadar etdiyini nəzərə alsaq, texniki yorğunluğun yaranması aydındır.

Müəllif: Famil Ələkbərov





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Sahildə maraqlı tavanı olan kafe
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

X